Пернебек Ақниет Мұратқызы
Шиелі аудандық көп бейінді орталык ауруханасы
Емхана бөлімінің дантисті
Тіс саулығы – адамның жалпы денсаулығы мен өмір сапасына тікелей әсер ететін маңызды факторлардың бірі. Ауыз қуысының тазалығы мен күтімі дұрыс болмаған жағдайда, әртүрлі тіс аурулары, жағымсыз иіс, қызыл иектің қабынуы және т.б. мәселелер туындайды.
Неліктен тіс саулығын сақтау маңызды?
- Азық-түлікті дұрыс шайнау – ас қорытудың алғашқы кезеңі ауыз қуысында басталады. Тістер дұрыс болмаса, тағам жақсы шайналмайды, бұл асқазан-ішек ауруларына себеп болуы мүмкін.
- Инфекция қаупі – ауыз қуысындағы бактериялар қан арқылы басқа органдарға өтіп, жүрек, бүйрек және буындарға зиян келтіруі мүмкін.
- Эстетика мен сенімділік – әдемі, ақ тістер адамның сыртқы келбетін жақсартып, өз-өзіне деген сенімін арттырады.
Тіс күтімінің негізгі ережелері:
- Тістерді күніне кемінде екі рет тіс пастасы және щеткамен тазалау.
- Тіс жібін (флосс) қолдану арқылы аралықтағы қалдықтарды тазалау.
- Қантты тағамдар мен тәтті сусындарды шектеп, дұрыс тамақтану.
- Жылына екі рет стоматологқа барып, тексерістен өту.
- Шылым шегуден, алкогольден және басқа зиянды әдеттерден бас тарту.
Балалардың тіс саулығы
Балаларда сүт тістері де ерекше күтімді қажет етеді. Себебі олар болашақ тұрақты тістердің өсуіне әсер етеді. Баланы кішкентай кезінен бастап тіс тазалауға дағдыландыру – оның болашақ денсаулығы үшін маңызды.
Қорытынды
Тіс саулығын сақтау – ұзақ әрі сапалы өмір сүрудің бір жолы. Уақтылы күтім мен алдын алу шаралары арқылы ауыр әрі қымбат стоматологиялық емдеулерден аулақ болуға болады. Ендеше, тістеріңізді күтіңіз – олар сізге ұзақ жылдар бойы қызмет етеді!
