ӘЛЕУМЕТТІК ЖЕЛІ ЖӘНЕ ДІНИ РАДИКАЛИЗМ

Сыр Дидары

Бүгін Жалағаш кентіндегі Руханият орталығында Республикалық ақпараттық-түсіндіру тобының мүшесі Сәкен Сайранұлы Салтанның қатысуымен «Әлеуметтік желі және діни радикализм» тақырыбында кездесу өтті.
Кездесуге ардагерлер, мешіт имамдары, мектеп оқушылары, бұқаралық ақпарат құралдары өкілдері қатысты.
Кездесуге аудандық қоғамдық даму бөлімінің басшысы Мейірбек Амангелдіұлы Құрақбаев модераторлық жасады.

Егемен ел атанып, тұғырымызды бекіткен жылдар аясында, мемлекетіміздің өсіп-өркендеуінде діннің алатын орны айрықша. Дiн мен мемлекеттiң түйiсер жерi – елдiң тұтастығы жəне қоғамның ауызбіршілігі һәм тұрақтылығы. Сондықтан, екi тараптың өзара бiрiгiп əрекет ететін кеңiстiгiн, оның құқықтық тетіктерін уақыт талабына сай айқындап жəне жетілдіріп отырудың маңызы зор, — деді Мейірбек Амангелдіұлы кіріспе сөзінде.
Кездесуде Сәкен Сайранұлы әлеуметтік желінің дінге ықпалы, діни радикализм туралы сөз қозғап, кездесуге қатысушыларға тұшымды әңгімелер, маңызды пікірлер айтты.
Кездесуге қатысушы жастар өздерінің қызығушылықтарын білдіріп, пікір алмасты, көкейіндегі сұрақтарын қойып, жауап алды.

Related posts